ERAKUSKETA
Ikusezinak
IKUSEZINAK/INVISIBLES proiektuak berekin dakar ikus-entzunezko sorkuntza esploratzea, estereotipoak deseraikitzeko eta gure erkidegoan arrisku/bazterketa sozialeko egoeran dauden kolektibo eta pertsonekin loturak eraikitzeko tresna gisa. Horrela, bigarren hezkuntzako hainbat ikastetxek beren gelak ireki dituzte ikasleen eta Emauseko programetan parte hartzen duten pertsonen artean trukeak sortzeko. Azken horiek, beraien bizitza-historien bidez, ikus-entzunezko film laburrak sortzeko inspirazioa eman dute, irudiak gizartea sentsibilizatzeko eta eraldatzeko tresna gisa duten ahalmena aitortuz.
Topaketa horietatik sortutako ikus-entzunezko piezak emanaldi berezi batean aurkeztu ziren Donostiako Antzoki Zaharrean, ospakizunerako eta berriz elkartzeko unea izanik. Axular Lizeoa, Adsis Fundazioa eta Nuestra Señora de Aranzazu ikastetxeetako 200 nerabek baino gehiagok aktiboki parte hartu zuten film laburren ekoizpenean, eta Emausekin lotutako pertsonekin lankidetzan aritu ziren, haien testigantzak partekatzeko.
Proiekzioaren ondoren, elkarrizketa labur bat prestatu zen, eta Emauseko gizarte-proiektuetako pertsonak eta ikasleak agertokira igo ziren, beren esperientziak, ikaskuntzak eta hausnarketak partekatzeko. Honek aukera baliotsua eman zien, prozesuari, ikasitakoei eta beste gogoeta pertsonal batzuei buruzko iritziak emateko.
Data:
Azaroak 27
Lekua:
Aliantzak:
